Parlamenti do të mblidhet në seancë plenare sot pasdite në orën 17:00 me fokus, problemet e evidentuara nga zgjedhësit.
Priten debate të forta dhe për herë të parë, kryetarja e Kuvendit Lindita Nikolla ka publikuar edhe listën e diskutantëve bashkë me minutazhin përkatës si në vijim.
Vërehet se në këtë listë,10 deputetë të Partisë Demokratike nga grupi i rithemelimit, që kanë kërkuar fjalën, janë renditur si “deputetë jashtë grupeve parlamentare” dhe atyre iu janë lënë në total 20 minuta.
Rregullorja e Kuvendit përcakton se duhet të ketë një seancë të dedikuar për probleme të zgjedhësve, rreth 4 orë dhe aty të diskutohet për problemet dhe hallet e qytetarëve sipas zonave që deputetët përfaqësojn, por shpesh kjo seancë është anashkaluar nga drejtuesit e Kuvendit.
© SYRI.net