Kryetari i Bashkisë së Tiranës, Erion Veliaj dhe Ministri i Brendshëm, Taulant Balla, zhvilluan një takim me strukturat përgjegjëse të Policisë së Shtetit, Policisë Bashkiake, si dhe me administratorët e shkollave, për planin e sigurisë në shkolla dhe përgatitjet e vitit të ri arsimore, i cili nis në 11 Shtator.
Veliaj tha se për Bashkinë e Tiranës kjo është një periudhë intensive pune, për garantimin e sigurisë në institucionet arsimore, si dhe plotësimin e të gjitha kushteve të nevojshme për një vit të mbarë shkollor.
Por ajo që ndodh me fillimin e sezonit shkollor nuk është vetëm problemi brenda oborrit të shkollës, është edhe kaosi që krijohet në kryeqytet nga trafiku.
Prindërit dhe fëmijët e kryeqytetit humbasin orë të tëra në trafik për të shkuar e për t’u kthyer nga shkolla.
Ambientet rreth shkollavë nuk kanë parkingje dhe prindërit detyrohen të lënë makinat në akset kryesore të rrugëve të Tiranës kur dërgojnë fëmijët në shkolla dhe e njëjta gjë ndodh edhe kur i marrin.
Duke qenë se s’kanë dhënë asnjë zgjidhje për trafikun, nuk kanë krijuar asnjë lehtësi për prindërit, nuk kanë investuar asgjë në transportin publik, Ministri i Brendshëm dhe kryebashkiaku i Tiranës bëjnë show para fillimit të sezonit. A thua se fëmijët po shkojnë në luftë e jo në shkollë.
Siguria e fëmijëve në shkollë është detyrë dhe jo favor.
© SYRI.net