Është miratuar lista e kandidatëve në primaret që do të zhvillohen në bashkinë e Kukësit nga Partia Demokratike.
Lista pesë emërore do të votohet ditën e dielë nga anëtarët dhe simpatizantët e PD e në përfundim fituesi i primareve do të jetë dhe kandidati i opozitës për zgjedhjet e pjesshme në bashkinë e veriut.
Njoftimi i plotë i PD-së së Kukësit:
Të nderuar anëtarë të Partisë Demokratike! Ju njoftojmë se me datë 27.08.2023 do të zhvillohet procesi i primareve me parimin një anëtar një votë , për përzgjedhjen e kandidatit, që do të përfaqesojë Partinë Demokratike dhe forcat opozitare në zgjedhjet e datës 24 Shtator 2023.
Qendra e votimit do të jetë te Pallati i Kulturës " Hasan Prishtina" Kukës, kati i dyte. Procesi i votimit fillon në orën 08:00 dhe perfundon me oren 18.00
Urojmë një garë të drejtë, të ndershme dhe të barabartë. Fitoftë kandidati më i mirë, që gëzon mbështetjen më të madhe dhe garanton fitoren në zgjedhjet e datës 24 Shtator 2023!
Emrat e kandidatëve vijojnë si më poshtë:
1- Ardian Sokol Elezi
2- Emri Haxhi Vata
3- Gëzim Beqir Shehu
4- Uran Rakip Cengu
5- Ylber Haxhi Zeneli
© SYRI.net