Një nëpunësi publik që është në administratë, shteti nuk i paguan sigurimet. Detyrimet e prapambetura të administratës qendrore arritën në 6.7 miliardë lekë në fund të muajit maj 2023, teksa 1.6 milionë euro ishin sigurime shoqërore të papaguara në kohë, raportohet nga ministria e Financave. Edhe të dhënat nga Drejtoria e Përgjithshme e Tatimeve tregojnë se borxhi ndaj sigurimeve shoqërore është duke u rritur me ritme të shpejta vitet e fundit

SYRI TV

Qeveria shqiptare nuk paguan sigurimet për punonjësit e administratës qendrore. Ministria e Financave raportoi se detyrimet e prapambetura të administratës qendrore arritën në 6.7 miliardë lekë në fund të muajit maj 2023, teksa 2.8% e shumës, rreth 160 mln lekë apo 1.6 milionë euro, ishin sigurime shoqërore të papaguara në kohë. Pra, një nëpunësi publik që është në administratë shteti nuk i paguan sigurimet, teksa paga e tyre vjen e para në radhë në të gjithë hierarkinë e pagesave kudo në botë, si në sektorin publik dhe në atë privat.

Sipas Monitor, borxhi ndaj sigurimeve shoqërore është duke u rritur me ritme të shpejta vitet e fundit, referuar të dhënave nga Drejtoria e Përgjithshme e Tatimeve. Në fund të vitit 2022 stoku i këtij detyrimi arriti në 20,5 miliardë lekë, rreth 200 mln euro me një rritje 48% në krahasim me vitin 2028 ku stoku ishte 13.8 miliardë lekë. Në vend që të frenohet, ky borxh po zgjerohet me shpejtësi nga viti në vit, duke vënë në vështirësi arkën e sigurimeve shoqërore, por edhe pensionet ne të ardhmen.

Me qindra persona në moshë pensioni orvaten gjyqeve për vitet e munguara të sigurimeve, edhe pse i kanë paguar kontributet rregullisht, e madje në shumë raste kanë punuar në sektorët e arsimit dhe shëndetësisë.

Kontrolli i Lartë i Shtetit pas një inspektimi në skemën publike të pensioneve gjeti se 94% të detyrimeve ndaj ISSH zotërohen nga sektori privat dhe kryesisht biznesi i madh me mbi 63% të shumës dhe pjesa tjetër nga biznesi i vogël. Entet publike zotërojnë rreth 6% të totalit të detyrimeve. Detyrimet e akumuluara, që duhet të shkonin për llogari të arkës së Sigurimeve Shoqërore kanë krijuar efekte negative të shumëfishta. Ndaj në kushtet e mos-pagesës së sigurimeve, buxheti i shtetit duhet të subvencionojë nga taksat e përbashkëta skemën e pensioneve për të kryer pagesat për përfituesit aktualë.