Nga Sonila Meço

Në mocion me debat opozita nuk e pyet dot, se partia e vet i rrëzon kërkesën çdo deputeti. Grusht bashkuar.

Në konferencë për shtyp, media nuk e pyet dot, me praktikën e re mund të përgjigjet vetëm për temat, që do, duke refuzuar kësisoj të japë përgjigje për ngjarje të tjera që përbëjnë interes për publikun. Dhe pikë.

Para drejtësisë as bëhet fjalë, sepse s’ka asnjë dijeni mbi çfarë bëhet fill pas shpinës së tij. Për ato, që ndodhin para syve të tij i takon organeve ligjzbatuese t’i kishin parandaluar. Për këtë bëri reformën.

I ka mbetur vetëm të flasë për faqet e sponsorizuara të shtypit ndërkombëtar, ose në drekat pas takimeve zyrtare ku ndihet lider e hokatar global dhe të pohojë: “Në ndërkohë, si edhe në krye të herës Demokracia është e mbivlerësuar”.