117 deputetë votuan pro kërkesës së SPAK për arrestimin e ish-zëvendëskryeministrit Arben Ahmetaj.

Tre vota ishin abstenim, ndërsa asnjë votë nuk ishte kundër.

Agron Duka, Vangjel Dule dhe Fatmir Mediu janë tre deputetët që kanë abstenuar në votimin për arrestimin e Arben Ahmetajt.

Me 117 vota pro dhe 3 abstenim, deputetët autorizuan SPAK-un që të ushtrojë edhe kontroll në banesën e ish-zv/kryeministrit Ahmetaj.

Në një kërkesë, Prokuroria e Posaçme kundër Korrupsionit dhe Krimit të Organizuar iu drejtua Kuvendit ku kërkonte autorizimin për arrestimin dhe kontrollin e banesës së Ahmetajt.

Mbi ish-zv/kryeministrin rëndojnë 3 akuza: pastrim parash, korrupsion pasiv në 6 raste dhe pastrim i produkteve të veprës penale.

Pas kërkesës së SPAK-ut, Kuvendi mblodhi Këshillin e Mandateve. U desh që deputetët të mblidheshin 2 ditë rresht me dyer të mbyllura për të dalë në një konkluzion.

Të dyja palët, si opozita dhe mazhoranca, ishin pro heqjes së imunitetit për Arben Ahmetajn, megjithatë secila doli me një raport të vetin.

Vetë Ahmetaj nuk ishte i pranishëm në seancë. Ajo që dihet me siguri është që ai nuk ndodhet në Shqipëri dhe këtë e kanë konfirmuar avokatët e Ahmetajt, por nuk dihet se në cilin shtet ndodhet aktualisht