Kryetari i Partisë Demokratike Sali Berisha në një deklaratë të dhënë jashtë ambienteve të Kuvendit foli për zgjedhjet vendore të 14 majit, ndërsa theksoi se nga nesër do të dorëzojë prova të krimit elektoral në Kamëz dhe në bashkitë të tjera. 

Arjan Hoxha Kandidati i “Bashkë Fitojmë” për Kamzën, i ftuar në ''Kafe Shqeto'', në Syri Tv, u shpreh se rezultati zgjedhor në Kamëz akoma nuk është pranuar as nga të majtët dhe se për ta ky është një rezultat makinerie. 

“Ne na ka votuar shumica absolute e atyre që kanë marrë pjesë në zgjedhje, ne nuk na kanë votuar vetëm operatorët e aktivistit, dhe patronazhisti, administrata që ka qenë pjesë aktive e Rilindjes dhe nuk ka ka votuar një pjesë e vogël që ndoshta ka bindjen e vet të majtë dhe për këtë unë kam qenë shumë falenderues dhe çdo ditë takohem me ta dhe është vërtet një situatë që askush nuk di si ta shpjegojë dhe çfarë të thotë. Madje dhe të majtët që janë të majtë ekstrem, po t’i pyesësh në Kamëz thonë ky është një rezultat makinerie”