Skandal/ Koalicioni BF: Strukturat shtetërore kërcënojnë banorët e Memaliajt për vota! Policia gënjeu

Skandal/ Koalicioni BF: Strukturat shtetërore kërcënojnë banorët e Memaliajt për vota! Policia gënjeu

12:59, 10/05/2023
A+ Aa A-

Koalicioni opozitar 'Bashkë Fitojmë' ka denoncuar aktivitetin kriminal të strukturave shtetërore në Bashkinë e Memaliaj me qëllimin kryesor presionimin e zgjedhësve dhe deformimin e vullnetit të tyre më 14 maj.

Në një deklaratë për mediat, koalicioni 'Bashkë Fitojmë' ka konstatuar me fakte dhe prova sesi kryetari Njësisë Administrative të Buzit Fatjon Isufi, ka ushtruar aktivitet ilegal në kundërshtim me Kodin Zgjedhor në favor të kandidatit kundërshtar që është edhe për pak ditë në krye të Bashkisë së Memaliajt.

Sipas denoncimit publik, Fatjon Isufi dje me urdhër të deputetit Laert Duraj, ka ushtruar presion tek mbështetësit e kandidatit tonë Albert Malaj dhe i ka kërcënuar me ndëprerjen e ndihmës ekonomike në rast se më 14 maj nuk do të votojnë Gjolek Gucin.

Gjithashtu, Administratori i Buzit dje, ka provokuar një situatë konfliktuale gjatë mbërritjes në Buz të kandidatit tonë fitues Albert Malaj. Ky provokim ka pasur sigurisht edhe asistencën e Policisë së Memaliajt me aktor kreun e saj Altin Zeqirin.

Ndërkohë, koalicioni 'Bashkë Fitojmë' ka theksuar se Drejtoria e Policisë së Gjirokastrës, me deklaratën e saj për shoqërimin e dy anëtarëve të stafit elektoral ka gënjyer publikisht dhe është bërë palë në këtë konflikt të paprecedentë pasi ka deformuar qëllimisht faktet dhe rrethanat në të cilën ka ndodhur me të vërtetë skandali në Buz i një dite më parë.

‘Deklarata e Policisë së Gjirokastrës, është fund e krye më e pakta një deklaratë e papërgjegjshme, e qëllimshme, dhe aq më keq ka marrë atributin e gjykatës duke thënë se dy aktivistët tanë paskan “kanosur në krye të detyrës Fatjon Isufin kryeadministratorin e Buzit”, thuhet në deklaratën e koalicionit 'Bashkë Fitojmë'.

‘Për sa më lart, Koalicioni BASHKË FITOJMË dhe kandidati për Bashkinë e Memaliajt Albert Malaj, do të vërë në dijeni përfaqësinë e OSBE/ODIHR për të faktuar ngjarjen e plotë, si dhe veprimtarinë ilegale të Fatjon Isufit, Laert Durajt dhe Gjolek Gucit. Ndërkaq u bëjmë thirrje organizmave ndërkombëtarë të ndërhyjnë sa më shpejt për të qetësuar situatën pasi njerëzit po kërcënohen me bukën e gojës dhe me burg nëse votojnë për kandidatin tonë’.

Deklaratë e Koalicionit opozitar ‘BASHKË FITOJMË’ Bashkia Memaliaj.

Koalicioni opozitar ‘BASHKË FITOJMË’ po konstaton përditë skandale të njëpasnjëshme të aktivitetit ilegal të strukturave shtetërore në Bashkinë e Memaliaj me qëllimin kryesor presionimin e zgjedhësve dhe deformimin e vullnetit të tyre më 14 maj.

Konkretisht dje kemi konstatuar me fakte dhe prova sesi kryetari Njësisë Administrative të Buzit Fatjon Isufi, ka ushtruar aktivitet ilegal në kundërshtim me Kodin Zgjedhor në favor të kandidatit kundërshtar që është edhe për pak ditë në krye të Bashkisë së Memaliajt.

Fatjon Isufi dje me urdhër të deputetit Laert Duraj, ka ushtruar presion tek mbështetësit e kandidatit tonë Albert Malaj dhe i ka kërcënuar me ndëprerjen e ndihmës ekonomike në rast se më 14 maj nuk do të votojnë Gjolek Gucin.

Fatjon Isufi dje ka kërcënuar dy pjestarë të shtabit elektoral të kandidatit tonë që mos të angazhohen në fushatë zgjedhore, pasi do t’i çojë në burg.

Administratori i Buzit dje, ka provokuar një situatë konfliktuale gjatë mbërritjes në Buz të kandidatit tonë fitues Albert Malaj. Ky provokim ka pasur sigurisht edhe asistencën e Policisë së Memaliajt me aktor kreun e saj Altin Zeqirin.

Situata dje ka qenë në prag të konfliktit provokuar nga Fatjon Isufi nën dirigjimin e deputetit Laert Duraj dhe kukullës së tij në Bashkinë e Memaliajt Gjolek Guci.

Shoqërimi në polici i dy pjestarëve të stafit elektoral të kandidatit tonë, është shoqëruar me një reagim të madh prej qytetarëve të Memaliajt të cilët janë okupuar para stacionit Policor duke kërkuar spjegime dhe denoncuar aktivitetin presionues dhe kërcënues të Fatjon Isufit në zonë me ndërprerje të ndihmës ekonomike familjeve të varfëra.

Ndërkohë që Drejtoria e Policisë së Gjirokastrës sot përmes një deklarate, është bërë palë në këtë konflikt të paprecedentë pasi ka deformuar qëllimisht faktet dhe rrethanat në të cilën ka ndodhur me të vërtetë skandali në Buz i një dite më parë. Deklarata e Policisë së Gjirokastrës, është fund e krye më e pakta një deklaratë e papërgjegjshme, e qëllimshme, dhe aq më keq ka marrë atributin e gjykatës duke thënë se dy aktivistët tanë paskan “kanosur në krye të detyrës Fatjon Isufin kryeadministratorin e Buzit”.

Kjo deklaratë e shpërndarë mediave mëngjesin e sotëm, është më e pakta skandaloze dhe më e shumta vepër penale në ngarkim të kreut të saj Ardian Çipa i cili qëllimisht ka deformuar faktet dhe provat në favor të mos zbardhjes së ngjarjes.

Normalisht që kur në krye të Policisë së Gjirokastrës është Ardian Çipa, i njohur dhe i denoncuar shumë herë nga opozita për shumë afera kriminale në të kaluarën e afërt, nuk ka sesi e vërteta të zbardhet, por të njolloset me fakte të rreme.

Policia e Ardian Çipës në Gjirokastër në vend që të merret me denoncimin e bërë 10 ditë më parë nga kandidati ynë për Bashkinë e Memaliajt për qarkullimin e një xhipi me targa false nën pronësi të administratorit të Krahësit duke shpërndarë ushqime dhe para në këmbim të votës, merret me deklarata të qëllimshme për të shtrembëruar realitetin për të mos thënë që është në sinkron me pushtetin.

Kandidati ynë Albert Malaj ka denoncuar shefit e Stacionit Policor të Memaliajt Altin Zeqirin pasi ky i fundit ka lejuar qarkullimin lirshëm të këtij xhipi me targa false duke kaluar nën hundën e patrullave policore të stacionuara në zonë. Kjo është dëshmi e qartë sesi Policia e Shtetit bëhet palë me pushtetin.

Për sa më lart, Koalicioni BASHKË FITOJMË dhe kandidati për Bashkinë e Memaliajt Albert Malaj, do të vërë në dijeni përfaqësinë e OSBE/ODIHR për të faktuar ngjarjen e plotë, si dhe veprimtarinë ilegale të Fatjon Isufit, Laert Durajt dhe Gjolek Gucit.

Ndërkaq u bëjmë thirrje organizmave ndërkombëtarë të ndërhyjnë sa më shpejt për të qetësuar situatën pasi njerëzit po kërcënohen me bukën e gojës dhe me burg nëse votojnë për kandidatin tonë.

Kandidati dhe deputeti i Rilindjes në Memaliaj, të ndodhur nën panik po ndërmarrin akte të tilla në kushtet kur dyert po u mbyllen nga vetë socialistët e ndershëm. Përgjigja do të jetë ajo që do t’u shkaktojë dhe shpërblejë atyre të gjithë këtë veprimtari ilegale dhe kriminale ndaj zgjedhësve në Memaliaj.

Koha po afron!

Bashkë fitojmë.

© SYRI.net

Lexo edhe:

Komentet

Shto koment

Denonco