Kreu i grupit parlamentar i PS, Taulant Balla konfirmoi këtë të premte bashkëpunimin e radhës me Enkelejd Alibeajn.
Në një deklaratë për gazetarët, Balla tha se socialistët janë në konsensus me grupimin Basha-Alibeaj sa i takon ligjit për dosjet, duke theksuar se propozimi i tyre është i arsyeshëm.
Balla paralajmëroi votën pro të maxhorancës ndaj propozimin e Alibeajt për humbjen e mandatit të deputetit për bashkëpunëtorët e Sigurimit të Shtetit, duke shtuar se rezultati përfundimtar do jetë bashkëpunues.
Një ditë më parë, kreu i opozitës, Sali Berisha e quajti një nismë të tillë si një gjueti shtrigash.
© SYRI.net