"Tirana ka nevojë për ndryshim dhe për vendimmarrje nga të cilat përfitojnë direkt dhe menjëherë të gjithë qytetarët".
Kështu shprehet kryetari i Partisë së Lirisë, Ilir Meta, në një postim në rrjetet sociale duke ftuar qytetarët që të votojnë kandidatin e kalicionit "Bashkë Fitojmë", për bashkinë e Tiranës, Belind Këlliçi.
Meta komenton edhe planin e Këlliçit, për transportin publik falas.
Sipas tij, kjo masë është një fitore e të gjithë qytetarëve, pensionistëve dhe të rinjve.
“Tirana ka nevojë për Ndryshim. Tirana ka nevojë për vendimmarrje nga të cilat përfitojnë direkt dhe menjëherë të gjithë qytetarët. Dhe plani i Belind Këlliçit për transport publik falas është një fitore e të gjithë qytetarëve, pensionistëve dhe të rinjve tanë”, shkroi Meta.
© SYRI.net