Këtë të hënë Partia Demokratike njoftoi përfundimin e auditit të nisur pas skandalit të lobimit të Lulzim Bashës me para ruse.
Kryetarja e Komisionit të Auditit në PD, Ledina Mandija, në studion e Syri Tv me moderatoren Armela Ferko, dha detaje nga auditimi i kryer nga një kompani ndërkombëtare e specializuar.
Mandija tha se PD nuk kishte bord financiar, ndërsa Kryesia e partisë ishte shmangur nga disutimet për buxhetin dhe lobimet.
Sipas saj, Lulzim Basha kontrollonte vetë me pushtetin e tij qarkullimin e parave, duke shmangur strukturat përgjegjëse.
"Në PD nuk kishte asnjë dokument. Në PD, fatkeqësisht nuk kishte një rregullore të brendshme, nuk ekzistonte një bord financiar dhe një kryetar i bordit financiar. Kryesia ishte anashkaluar, nuk ishte diskutuar fare në lidhje me buxhetimet, përfshirë edhe lobimet. Ish-kryetari Basha kishte patur një pushtet për të vendosur ai në ldhje me çdo gjë qoftë me buxhetimin, qoftë për qarkullimin e parave, përbërjen e ogranigramave, qoftë edhe përbërjen e organigramave apo përcaktimin e emërimit të personave që do të administronin paratë në PD, fonde këto të dhëna nga buxheti i shtetit, apo nga kontributet e anëtarësisë.
Ne arritëm të evidentojmë që këto mangësi ekzistonin në funksionimin e PD. Me ndryshime te reja statutore, është rekomanduar në të ardhmen që të mos ketë më një performancë të tillë sa i takon menaxhimit të fondeve nga ana e një force politike. Kjo nuk është vetëm për PD, por për të gjitha forcat politike", tha Mandija.
© SYRI.net