Deputeti i PD-së Ervin Salianji ka hedhur akuza në drejtim të kryeminsitrit pas tensioneve në seancën plenare në Kuvend, ku opozita kërkoi të diskutohej për skandalin e skandaleve atë të përfshirjes së Edi Ramës në korruptimin e ish-zyrtarit të lartë të FBI McGanigal gjatë kohës që ky i fundit ishte në detyrë.
‘Sot autokrati kyçi dhe parlamentin sikur ta kishte dyqan personal, njësoj siç i ka mbyllur gojën kujtdo në partinë e tij sot mbylli dhunshëm parlamentin që qytetarët mos njiheshin me faktet e korrupsionit masiv dhe minimit të demokracisë!’, shkruan Salianji në Facebook.
Salianji theksoi se ‘frika nga institucionet e Shteteve të Bashkuara e ka bërë Ramën të futet në vrimë të miut’.
Postimi i plotë:
Sot autokrati kyçi dhe parlamentin sikur ta kishte dyqan personal, njësoj siç i ka mbyllur gojën kujtdo në partinë e tij sot mbylli dhunshëm parlamentin që qytetarët mos njiheshin me faktet e korrupsionit masiv dhe minimit të demokracisë!
Edi Rama dhe qeveria e tij janë përfshirë në aferën më të rëndë që është zbuluar ndonjëherë!
Frika nga institucionet e Shteteve të Bashkuara e ka bërë të futet në vrimë të miut! Nuk e shpëtojnë dot as oligarkët rusë të sanksionuar nga SHBA, as paratë e krimit dhe korrupsionit as devijimi i vëmendjes, as kapja e drejtësisë! Dita po vjen!
© SYRI.net