Deputetja e PD-së Ina Zhupa ka reaguar pas referimit në prokurori të kallëzimit penal nga KLSH për shkatërrim të veprave kulturore në Shkodër.
‘Masakra që Edi Rama dhe ministresha e tij koncensionare Margariti i bëjnë trashëgimisë kulturore vazhdon! Edhe kur “restaurojnë” në fakt shkatërrojnë. Restaurimi i Ansamblit historik në Shkodër njohur “Gjuhadol’ dhe “Kafja e Madhe” ka shkaktuar dëme të parikuperueshme për vlerat e tyre historike e trashëgimisë kulturore', shkruan Zhupa në Facebook.
Postimi i plotë:
Masakra që Edi Rama dhe ministresha e tij koncensionare Margariti i bëjnë trashëgimisë kulturore vazhdon!
Edhe kur “restaurojnë” në fakt shkatërrojnë.
Restaurimi i Ansamblit historik në Shkodër njohur “Gjuhadol’ dhe “Kafja e Madhe” ka shkaktuar dëme të parikuperueshme për vlerat e tyre historike e trashëgimisë kulturore.
Për këto dëmtime, në 28 tetor, KLSH ka referuar në prokurori kallëzim penal sipas nenit 160 për shkatërrim të veprave kulturore, krim i cili dënohet me gjobë deri në 8 vite burg.
Shkodra meritonte një restaurim të denjë që respektonte vlerat historike të saj. Po vrasësit e Teatrit dhe shitesit e Butrintit nuk kishin si të zbatonin ligjin.
© SYRI.net