Kryetari i PD-së, Sali Berisha, ka kërkuar sot t’i jepet fund menjëherë, veprimtarisë së Bordit të Transparencës së Karburanteve, që u ngrit disa muaj më parë nga qeveria me synimin, sipas saj për të mbajtur nën kontroll, rritjen e çmimit të naftës, benzinës dhe gazit.
Berisha akuzoi qeverinë Rama se ngritja e këtij bordi në kushtet kur çmimi i naftës në Shqipëri njeh rritje të pakrahasueshme me vendet e tjera, nuk është tjetër përveçse një vegël që kontrollon tregun për llogari të qeverisë.”
Berisha tha: “Qytetarët vetëm paguajnë çmimin e këtyre organizmave korruptive qeveritare të ngritura me qëllimin e vetëm për të diktuar çmime stratosferike dhe vjedhur qeveria sa më shumë me klientelën e vendit.
Kërkoj ndërprerjen urgjente të veprimtarisë së tyre, kërkoj dhe u bëj thirrje anëtarëve të bordit të japin dorëheqjen menjëherë, të mos shndërrohen në një vegël antikushtetuese e një qeverie që me vendimet e saj është njohur tashmë universalisht si organizatë kriminale.”
© SYRI.net