Çudit Sandër Lleshaj: Ju mos u mërzisni, nuk shembet Shqipëria nga 3-4 të vrarë

Çudit Sandër Lleshaj: Ju mos u mërzisni, nuk shembet Shqipëria nga 3-4 të vrarë

15:17, 18/09/2020

Sandër Lleshaj duket se nuk është në gjendje mendore shumë të mirë.

Pas shkarkimit të sekretarit të Përgjithshëm Plarent Ndreca, të dyshuar si të përfshirë ne tenderin megakorruptiv të uniformave të policisë, Lleshaj mesa duket e ka humbur toruan.

Duke folur për gazetarët nga Gjirokastra në lidhje me vrasjet, atentatet në Shqipëri të ndodhura ditët e fundit, Lleshaj është shprehur se nuk shembet Shqipëria nga 3-4 të vrarë.

Ai ftoi gazetarët në radhë të parë, por edhe qytetarët të mos përfshihen nga paniku nga ajo që ndodhi këtë javë, ku krimi goditi në Tiranë e Elbasan, pasi sipas ministrit Shqipëria nuk shembet, as për një dhe as për dy ngjarje.

Pyetje: Z. Ministër, këto ditët e fundit kemi dëgjuar shumë vrasje. A është normale për një vend si Shqipëria?

Ministri Lleshaj: Keni dëgjuar shumë vrasje këto ditë. Madje këto ditë kanë ndodhur pothuajse 10% e vrasjeve që kanë ndodhur gjithë vitin në Shqipëri. Kjo është diçka e cila për fat të keq, për sa kohë kemi njerëz, edhe ndodh që mund të kesh 2-3 ditë që ke një përqendrim të veprave kriminale dhe pastaj ke 2-3 muaj që s’ke asnjë vepër kriminale. Kjo nuk na bën neve të humbasim toruan dhe të biem në panik.

Unë ju ftoj që ta kundroni, të shihni ftohtë situatën e rendit dhe sigurisë dhe mos të biem në panik nga një ngjarje që të themi u shemb! Nuk shembet Shqipëria, as siguria, për një ngjarje, as për dy. Por ju them që gjithsesi, numri i veprave të rënda kriminale në Shqipëri është ky që është. Jemi më pak, krahasuar me të njëjtën periudhë të vitit të kaluar, jemi shumë më poshtë, jemi shumë më poshtë sesa çdo periudhë e ngjashme e historisë sonë. Kaq është. Kjo është e provueshme.

Ne sot kemi rreth 35 vrasje deri tani. S’kemi pasur kurrë ndonjëherë në historinë e re të Shqipërisë, kaq. A janë shumë? Sigurisht që janë shumë. Duhet të jenë zero. Por zero nuk bëhen kurrë këto, për sa kohë ka njerëz në botë. Dhe këtë mund ta krahasoni dhe me shifrat më të mira të vendeve të tjera perëndimore. Kemi shumë vende europiane që kanë më shumë vrasje për frymë sesa Shqipëria. Vende europiane, jo vende të rajonit! Ndaj unë e ftoj edhe median, publikun dhe shoqërinë që të mundohemi të mos krijojmë situata histerie dhe paniku dhe tjetra, të distancohemi pak nga krimi. Distancim nga krimi unë nënkuptoj mbështetjen e policisë. Se nganjëherë i turremi policisë a thua se Policia i bën vrasjet! Jo, Policia është për t’i parandaluar dhe për të gjetur e vënë para përgjegjësisë autorët e tyre.

Kështu që nuk mundet dhe këtë e kam shqetësim për ata që arrijnë ta ndiejnë shqetësimin njëlloj si unë. Ka të tjerë që s’duan ta ndiejnë, mos ta ndiejnë. Por për ata që arrijnë ta ndiejnë përgjegjësinë për këtë vend, seriozisht duhet që në këto momente policia të inkurajohet për të bërë detyrën, sepse s’duhet të harrojmë që policët janë njerëz. Që edhe ata mund të zhgënjehen një ditë, që edhe ata mund të demotivohen, edhe do ta bëjnë punën më keq. Ne kemi interes që policët ta bëjnë punën më mirë dhe që ta bëjnë punën më mirë ata kanë nevojë për mbështetjen tonë, të medias në radhë të parë, të qytetarëve në radhë të dytë, dhe sigurisht ne e kemi detyrë funksionale dhe s’bëhet fjalë për mbështetjen tonë. Faleminderit.

© SYRI.net

Lexo edhe:

Komentet

Daj Jaku18/09/2020 15:55

Merdirorët i mbajnë për K K (këlysha kurvash) ndërsa ky qënka komlet Rr K. Kush i ka dhënë gradat e gjeneralit këtij Rr K tl cilin Kadarja na e propizou edhe për President. Më mirë të ishte bërë bari dhish kjo qënie e pështirë.

Shto koment

Denonco