Autoritetet greke nuk kanë pranuar të ekstradojnë në Shqipëri Bledar Jambellin, të dyshuar si vrasës të kryekomisarit Artan Cuku.
Por ajo që e bën më të rendë këtë vendim është fakti që Ministria e Drejtësisë në Shqipëri e ka mbajtur të fshehur këtë vendim të autoriteteve greke.
Jambelli akuzohet për veprat “Vrasje e punonjësit të Policisë së Shtetit”, e kryer në bashkëpunim.
Vendimi për mosektradimin e Jambellit është marrë nga Gjykata e Lartë në Greqi.
Ky vendim ka ardhur në Ministrinë e Drejtësisë prej 1 muaji
Ndërkohë, prokuroria e Krimeve të Rënda është në pritje të vendimit të plotë i Gjykatës së Lartë Greke.
Bledar Jambelli njihet ndryshe edhe me emrin Rikardo Muho.
Ai u arrestuar në dhjetor të vitit të kaluar në Greqi, dy vite pas vrasjes së komisari Artan Cukut i cili u vra duke hyrë në shtëpinë e tij në Tiranë më 8 Prilli 2017.
Sipas hetimeve, komisar Cuku u vra pasi Jambelli urdhëroi vrasjen e tij, për shkak të arrestimit që ky i fundit i kishte bërë kur mbante detyrën e Drejtorit të Policisë së Vlorës.
I dënuar aktualisht për vrasjen e komisar Cukut është Mikel Shallari, ndërsa në kërkim i akuzuar si bashkëpunëtor është Kristian Leci.
© SYRI.net