Nënkryetari i Partisë Demokratike, Edi Paloka, pranon se nuk e vuan absolutisht përqeshjen e vazhdueshme që kryeministri Rama i bën si “thuthuq”, madje e shpjegon këtë nevojë të Ramës për ta tallur si një deficencë që ka Rama ndaj vetes si kryeministër që tregohet me me gisht si hajdut dhe dhunues nga populli i tij

“Nuk është problem të jesh një politikan thuthuq, por është problem të jesh një politikan që vjedh, që dhunon, që mashtron. Ai nuk ka tjetër gjë për të më thënë mua, dhe më thotë thuthuq. Personalisht nuk e kam njohur. Gjithmonë ai ka pasur diçka me mua. Ka pasur qejf gjithmonë të gërricet. Pastaj ikën me vrap, i gjuhet me bojë, me vezë.”, shpjegoi Paloka.