Partia Demokratike e Durrësit po mobilizon mbështetësit e saj për protestën e opozitës së bashkuar më 16 Shkurt në Tiranë. Kryetari Ferdinand Xhaferri ftoi qytetarët që të bashkohen kundër qeverisjes së korruptuar të Ramës, siç e cilësojnë demokratët.

Opozita ka nisur organizimin për protestën e 16 shkurtit.

Kryetari i Partisë Demokratike të Durrësit, Ferdinand Xhaferri, gjatë një takimi me banorët e ish-Kenetës i ftoi ata që ti bashkohen masivisht thirrjes për të zbritur në rrugë.

Thirrja e demokratëve shkon për të gjithë kategoritë që kanë pakënaqësi, ndaj qeverisë së korruptuar të Ramës siç e cilësojnë ata, ndërsa Xhaferri theksoi se protesta është zgjidhja.

Duke shkuar një qytetar i lagjes këtu në protestë nuk thotë vetëm se nuk e pëlqej këtë qeveri, nuk jam dakord me këtë qeveri, nuk thotë vetëm që unë e urrej këtë qeveri, por nga aty fillon zgjidhja, tha Ferdinand Xhaferri kryetar i degës.