Vazhdon prej tre orësh, protesta e studentëve nga e gjithë Shqipëria që janë mbledhur përpara ministrisë së Arsimit dhe tashmë po i afrohet orës 16.00.

Në pankartat e studentëve shkruhet se i kanë lënë si afat të funditt, qeverisë dhe kryeministrit Edi Rama, orën 16:00 për plotësimin e kërkesave të tyre dhe nëse jo, kanë vendosur ta përshkallëzojnë protestën.

Zëra nga protesta, studentë në prononcimet për mediat, janë shprehur se nëse qeveria nuk do t’ua plotësojë kërkesat, ata do të marshojnë përpara kryeministrisë. 

Pritet se cilët do të jenë hapat e rinj surprizë të të revoltuarve, që kanë shënuar protestën më të fuqishme që nga viti 1990.