Buxheti i sivjetëm për Bujqësinë është komplet jashtë logjikës normale, tha ish-ministri Edmond Panariti në takimin e opozitës së bashkuar me grupet e interesit, biznesmenë e ekspertë për Buxhetin 2019.

"Me këtë buxhet ne ushqejmë vetëm bujqësinë e mjerimit, jo të eksporteve. Buxheti i Bujqësisë jo vetëm që s’ka rritje, por rrudhje në sigurinë ushqimore me -38%. Po ku shkojnë këto fonde, - pyeti Panariti. - Këto fondet nuk shkojnë as për laboratorë, as për aparatura që të zbulojnë ndotjen në ushqime, por shkojnë për blerje limuzinash 80 milionë lekëshe dhe për blerje të një flote fuoristradash, për të persekutuar bizneset."