E ftuar në studion e lajmeve të Syri.net ditën e sotme ka qenë deputetja e Partisë Demokratike, Orjola Pampuri.

E pyetur nga moderatori Alen Xhelili, nëse PD do të marrë pjesë në seancë parlamentare ditën e enjte ku diskutohet projektbuxheti, Pampuri tha se opozita do ta zhvendosë seancën.

Sipas saj ditën e enjte PD dhe opozita do të zhvillojë takime me grupet e interesit, me biznesin, sepse kjo kategori është më e interesuar se çdokush për projektbuxhetin.

‘PD do ta zhvendosë seancën në një diskutim me grupet e interesit për projektbuxhetin, se fundja ata janë grupet që ju intereson. Pra gjatë kohës që do të zhvillohet seanca në parlament ne do të organizojmë takim me grupet e interesit’, u shpreh Pampuri.