Nëse Altin Dumani do të ishte kryebashkiak në Tiranë dhe Erion Veliaj kreu i SPAK çfarë do të ndodhte? Natyrisht ky është variant hipotetik, por duke marrë në konsideratë llojin e drejtuesve dhe punët e tyre të mëparshme, do të kishim shumë ngjarje. Po shqyrtojmë tre thelbësoret

Së pari
Me Dumanin kryebashkiak, Tirana nuk do të ishte një betonierë vrasëse dhe nuk do të kishim një hajdut në krye të menaxhinit të punëve të qytetit. Nuk do të kishim një lavatriçe të pastrimit të parave. Nuk do të kishim banda e mafiozë që e bëjnë të rrijë me një këmbë pushtetarin. As oli-kriminalë plaçkitës të pronës publike nuk do dalldisnin duke kafshuar çdo metër. Natyrisht nuk do të kishim hatanë e përsosur, por me bindje them do të kishim një qytet shumë herë më normal. Kjo gjithnjë nëse Dumani do të shfaqte integritetin e pamunguar dhe do të refuzonte shefin në përpjekjen e pandërprerë për të abuzuar pafundësisht për halle elektorale dhe financiare më tepër

Së dyti
Veliaj Prokuror i SPAKU do të arrestonte Dumanin kryebashkiak, sikur ai të kishte  bërë 10 përqind të paudhësive ligjore, duke dhënë hov korrupsionit, pastrimit të parave e lodhjeve mafioze, betonizimit kanibal të qytetit. Njëherësh ai do të kishte arrestuar Ahmetajn, Gjiknurin, Agaçin, Tahirin, Beqajn, Dakon, Ballën, me të cilët më pas do të kishte bërë pazare të mëdha financiare. Do të kishte hapur procedim penal edhe për Ramën duke ditur se fatura e tij është majmërisht e duhura. Do të kishte ulur kurrizin për çdo ndërkombëtar pêr të forcuar karriken dhe injoruar këdo vendas apo të huaj për të kundërtën. Do e kishte bërë zyrën thertore. 

Së treti
Dumani aty ku është, kreu i SPAK, ndërsa Veliaj aty ku nuk duhet të jetë. Kjo duhet të sjellë një Prokurori më të pavarur duke e dëshmuar konkretisht me rezultat. Veliaj duhet të jetë një nga të pandehurit e kryedosjes së inceneratorëve. Njëherësh dosja ku u vra i mituri Ardit Gjoklaj të rishihet përgjegjësia e kryebashkiakut.

Gjithashtu dosja e Ndranghetës ku antimafia ka sjellë fashikuj hetimorë ku shfaqen drejtorët e rëndësishëm të Veliajt si punëmbarues të porodive të organizatës kriminale. Të nisë hetimi për tenderat e muajit të fundit të anulluar ku janë bërë publike shkeljet korruptive të Bashkisë Tirane në miliona euro.

Veliaj nuk do e ndërtonte Teatrin Kombëtar me ligjshkelje abuzime e vjedhje prone, por do të hetohej për shembjen. Natyrisht Dumani nuk është kryehetues individual për çdo dosje, por monitorues procedurial dhe nxites pa kompromis. Këtë mundësi e ka dhe duhet ta përdorë, duke qenë korrekt me hetimin.

Provat janë emri i vetëm që njoh u shpreh në shpalljen e platformës në KLP drejtuesi aktual i SPAK.

Kjo duhet të vlejë për këdo. Edhe kur pushteti do të godasë të papëlqyerit dhe mbrojë ushtrine e tij gri apo të zezë. Nëse toleranca apo anemia, indiferenca, mdikimi politik, i huaj, apo anashkalimi ndodh me keto dosje atëhere Prokuroria ka bërë vetëm grim...