Nga miratim për hapjen e negociatave pa kushte në katër rezolutat e përvitshme të mëparshme, rezoluta e mbrëmshme voton që Shqipëria të plotësojë 15 kushte para se të hapë negociatat me BE.

Miq, për katër vite me radhë Parlamenti Europian ka votuar katër rezoluta, në të cilat i kërkohej Këshillit të Ministrave të BE hapja pa kushte e negociatave me Shqipërinë.

Kurse dje pasdite Parlamenti Europian votoi me 388 vota pro dhe 280 kundër për 15 kushte që duhet të plotësojë Shqipëria për hapjen e negociatave me BE.

Ky ndryshim dramatik i Parlamentit Europian është rezultat i dhunimit, shkatërrimit me ligje, vendime dhe qëndrime nga Edvin Hajduti dhe narkoshteti i tij normave, parimeve dhe standardeve europiane dhe ndërkombëtare çdo javë e muaj.

Parlamenti Europian e detyrua të ndryshoje dramatikisht qëndrimin e tij dhe të votojë plotësimin e 15 kushteve për hapjen e negociatave me Shqipërinë sepse:

1-Shqipëria është sot i vetmi vend në Europë pa shtet ligjor, madje i vetmi vend në botë me sistem drejtësie të dekapituar dy shkallësh.

2-Shqipëria është vendi i vetëm në Europë që zhvillon zgjedhje moniste dhe në të cilin rezultatin e caktojnë bandat qeveritare të krimit të drogës.

3-Shqipëria është shpallur rëndom në media si narkoshteti i vetëm në Europë.

4-Shqipëria qëndron në krye të listës së zezë për shtypjen e lirisë së fjalës dhe mediave.

5-Shqipëria qëndron në çatinë e botës për korrupsionin në të gjitha nivelet e narko-shtetit.

Si përfundim, mund të themi të dashur miq se për të gjitha këto me Edvin Drogën (medicinale) Shqipëria ka zero shanse për hapjen e negociatave me BE.