Balla i Kongresit dhe thesi i të pavërtetave

Balla i Kongresit dhe thesi i të pavërtetave

Nga Gentian Çala - 23/03/2019

E dëgjova me kujdes Sekretarin e Përgjithshëm të PS në kuvendimin e tij para mediave në mbyllje të të ashtuquajturit Kongres Elektoral, nga ku shkëputa disa pjesë të materialit të lexuar prej tij.

E pavërteta e parë ishte se partia e tij është “E vetmja force e aftë të qeverisë vendin”. Se si e nxjerr këtë përfundim ai dihet, por në fakt forca e tij jo vetëm që nuk po qeveris, por po konsumon pushtetin e dhënë nga zgjedhje problematike dhe të deformuara. Kapacitetet qeverisëse të PS-së mund ti kuptosh se ku janë katandisur, mjafton të shohësh përbërjen aktuale të Këshillit të Ministrave.

Me mjaft patetizëm tha de “Jemi krenar për arritjet e bëra në 5 vite” dhe se kanë “Eksperiencë të suksesshme qeverisëse”. Dështimi është në shumë plane dhe pakënaqësia është kudo, njerëzit ikin përditë dhe shumëçka nuk funksionon. Unë nuk e kuptoj mungesën e reflektimit jo të një apo të disa individëve, por të një force politike që e shpall veten të suksesshme pa kurrfarë arritjesh. Ne jemi mes skandaleve të përditshme të një qeverie të paaftë dhe të korruptuar. Të gjithë e dimë se investime të huaja nuk ka pasur, por kjo nuk e pengon sekretarin mavi të thotë se kanë realizuar “Investime direkte të huaja në tre vite mbi 1 miliard dollarë”. Gënjeshtra duket sheshit dhe nuk ma merr mendja se ka njerëz që mund ta besojnë.

Ekonomia nuk po prodhon pakësim të varfërisë apo përmirësim të jetës së shqiptarëve, kurse Balla pohon se “Janë rritur të ardhurat për familje”, në një qasje mohuese dhe shpërfillëse ndaj qytetarëve të vendit. Tashmë socialistët nuk arrijnë të perceptojnë realitetin e njerëzve të thjeshtë dhe shkëputja nga realiteti duket dramatike. Nuk mund të mos ishte pjesë e fjalës së tij Reforma Zgjedhore ku shprehu se “PS reformën zgjedhore e mbështet në tre shtylla: - Adiministratë zgjedhore e depolitizuar - Votimi i emigrantëve - Votim dhe numërim elektronik”. Por, ai nuk tha asgjë për Reformën Zgjedhore, pasi modeli nuk ndryshon dhe nuk e përmendin deformimin e votës. Ne kemi nevojë për një Kod të ri zgjedhor dhe garanci për mosdeformimin e votës.

Gara ka së paku dy palë dhe kjo nuk mund të bëhet kurrë pa Opozitën. Ai tha se “PS është e legjitimuar si forcë qeverisëse”, por harroi se ky legjitimitet është cënuar rëndë nga përgjimet e Prokurorisë. Mbyllja ishte në stilin e mohimit të krizës politike kur tha se “Kongresi vendosi piketat për zgjedhjet vendors të qershorit 2019 dhe zgjedhjet parlamentare të vitit 2021”. Pra, nuk ka krizë dhe normaliteti rilindas vazhdon. Deri kur?! Balla i Kongresit dhe thesi i të pavërtetave nuk japin shpresë për reflektim. Qeveria duket në vetëkënaqësi boshe dhe spektakli i detit të karrigeve të mbushura me administratë duken sinjal i qartë izolimi dhe shkëputje nga realiteti. Thesin që po na shiste, vetëm pak e besojnë, shumica e di që pudra e hedhur mbi shqiptarët nuk mbulon pakënaqësinë e tyre.

Diçka më bajate se kjo kisha kohë që nuk kisha dëgjuar.

© SYRI.net

Lexo edhe

Komentet

shqiptar25/03/2019 09:00

Edhe pa i përmendur këto të vërteta e shumë të tjera mor dajë, duhet të mjaftonte fakti që ky palo "sekretar i përgjithshëm" i PS, është mik familjar i një kapobande mafioze të trafikut të drogës, që kjo qeveri megjithë dymetroshin psikopat, të jepte dorheqje nga pushteti.

Daj Jaku24/03/2019 08:10

Vetëm të shikosh se sa ministra janë shkarkuar për skandale madhore, trafik droge, toyota yaris e tualet pallës, trafiku gjigand i drogës i saje qorrit dhe geron xhafës, skandalet e shëndetësisë të ilir palloshit dhe manastirleshit, fallsifikimi skandaloz i damixhan gjiknuriut, kultura e asaj ministre budallaçkës, arësimi i asaj ministres të pa arsimuar por me vila milionëshe, politika e jashtëme e shitjes së Shqipërisë, detin greqisë, Kosovën Serbisë, shkarkimin e ditzi bushat sumës dhe komandimin antikushtetues të atij karalloit të spiunit të serbëve, baltaxhi haxhiut, mashtrimet e erion fikut me mbjellje pemësh, premtimi zero leje ndërtimi, fakti 390 leje grataçielash dhe që nuk keni parë asgjë akoma, ka mbjellë më shumë beton se sa pemë, por disa shkurre në shesh, vrasja e Arditit të mitur, i paguar prokurorit Fusha me miliarda euro tendera, shkatërrimi i trashëgimisë kulturore kudo në Shqipëri, nga veriu në jug, me beton velierash në Durrës, me pllaka halesh nëpër sheshe, me ministër policie gjeneral ushtrie me gaz helmues kundër popullit protestues në sheshe, sikurse në Siri, me pushtimin total të shtetit, me shkatërrimin e gjykatës kushtetuese, me asgjësimin e jetës parlamenrare, me rritjen e taksave, me vjedhjen 2000% të buxhetit edhe për 20 vitet e ardhme nëpërmjet ppp e konçesione sa dhjetëfishi i kostos, me taksën e rrugës së kombit për izolimin e Kosovës, me ja dorëzuar serbit e rusit....me pipullin shqiptar që arratiset nga Shqipëria, më shumë se në vitet 90, me mafjen dhe krimin e organizuar në pushtetin që vjedh votat dhe asgjëson zgjedhjet... boll suksese, rritet vetëm ekonomia që konçentrohet në xhepat e politikës (EDramës kryesisht miellin dhe krunde të majme të tjerëve), për popullin bukë me hirrë, po deshi , po s'deshi udhë e mbarë në emigracion, tek e fundit kanë ministër Pandeliun e Majkës.

Shto koment