Erion Veliaj tregoi në takimin publik me artistët e Teatrit Kombëtar, se ai ka talente të lindura ku e ku më të mëdha se ata që kanë performuar me dekada mbi atë skenë. Ai ishte sot në dëgjesë për të mashtruar dhe e bëri këtë më së miri. Ai u rrek të futej në rolin e atij që kishte në duar një projektligj që as nuk ia jep atë truall gjigand në mes të Tiranës kompanisë Fusha, që as nuk e shemb domosdoshmërisht godinën e vjetër italiane, që as nuk do të ndërtojë në vend të saj teatrin e kopjuar të arkitektit danez Bjorke Ingels, që u “shpall fitues” pa garë dhe pa konkurs.
Jo, sot Veliaj bëri alter egon e mirë të një kryeministri të keq. Po ta dëgjoje me vëmendje dialogun e tij prej shejtan budallai, dukej sikur thoshte se nuk ka asnjë nxitim për të marrë një vendim, se e rëndësishme ishte që të diskutohej, se ai kishte edhe shumë e shumë punë të tjera më parësore, se mirë do ishte të bëhej një teatër i ri, por mund të mbetej në këmbë edhe ekzistuesi etj, manovra që kishin për qëllim të ulnin gjakrat.
Pra, po të dëgjoje të gjithë argumentat e kryebashkiakut të krijohej përshtypja se kjo është një çështje ende e pavendosur, që Rama nuk e ka ndarë mendjen dhe se gjithçka që do të ndodhë më pas do të jetë fryt i një vendimarrjeje të gjerë.
Në fakt nuk nuk është kështu. Sot nuk ka njeri që nuk e di që Edi Rama ka bërë llogaritë dhe planet e fitimit me kompaninë Fusha (të njëjtës që i dha dhe sheshin Skënderbej) së cilës po i jep një pasuri publike në mes të Tiranës. Gjithkush e ka dëgjuar me veshët e tij kryeministrin t’ia plasë troç aktorëve: “Ajo gërmadhë do të shembet”. Gjithësecili e ka parë me sytë e tij Brojke Ingelsin që në krah të kryeministrit të na tregonte gjatë e gjërë se si do të ishte godina e re.
Po atëherë pse Veliaj mban një qëndrim të ndryshëm nga ai i kryeministrit? Thjeshtë dhe vetëm se ky është roli i mashtruesit që i kanë caktuar.
Pas, daljes në publik të projektligjit që i jepte truallin një kompanie private dhe zemërimit të aktorëve që e pasoi atë, menjëherë në mjedis u shtuan thirrjet për ngujim brenda teatrit, për një grevë urie, për ngritjen e një çadre në vendin ku nesër mund të qëndronin grataçielat e Ramës. Pra, me shpejtësi, u shtua frika e precipitimit drejt një skenari alla kuksian, e vetmja gjuhë e arsyeshme të cilën arrijnë të dëgjojnë rilindasit.
Dhe menjëherë nga arrogant, pushteti vendosi të marrë kthesën e tolerantit. Për t’ia hedhur përkohësisht lumit, për të qetësuar gjakrat, për të shuar ethet e ndezura. Pikërisht për këtë u shpik alibia se ende nuk është vendosur asgjë.
Shpalljen e kësaj gënjeshtre u caktua ta merrte përsipër njeriu që di të bëjë më mirë. Natyrisht, me gëzimin e profesionistit të Fushës, ai e pranoi këtë. Prandaj në atë sallë, të mbushur me aktorë, Veliaj shkëlqeu këtë të enjte. Sepse ai aktroi në rolin e tij të preferuar, atë të mashtruesit.
/Lapsi.al
© SYRI.net
Lela. Turp të kemi né që i dhamë votat për kryetar bashkie të Tironës një bastardi të tillë.
Bushati ka harruar te thote se Veliaj eshte mashtrues ordiner. Nese vertete "do shkelqente" si mashtrues, atehere s'do ti merreshin vesh mashtrimet. Fakti eshte se tashme gjithkush e ka parasysh se eshte mashtrues i rendomte e nuk i zene bese asnje llafi te tij. Eshte bere bajat, kur del e flet njerezit thone "cfare "rrene tjeter do na thote"?
Ky derr duhet dëbuar tek babai biologjik
Megjithë respektin për nivelin artistik e nivelin intelektual të aktorëve shqiptarë, vura re se në ate tubim të sajuar nga mashtruesi Veliaj, ata u hallakatën me ca debate përceptimesh të ndryshme, pa ju referuar më kryesores.
Në fakt, ashtu si edhe shumë veprime të qeverisë Rama, problemi i Teatrit Kombëtar duhet të jetë objekt i debatit juridik e jo thjesht debat aktorësh.
Në mënyrë flagrante, ky Teatër po prishet njëkohësisht duke injoruar vlerat historiko-kulturore si i vetmi Teatër Kombëtar, gjë që është në kundërshtim me ligjet, por edhe po ndërtohet me para të dyshimta e me prona publike dhuruar pronarëve privatë të dyshimtë.
Para se të niste debati i aktorëve, duhej të kishte një debat juridik, ku juristët duhet të vlerësonin se sa i ligjshëm është ky veprim i Ramës e Veliajt.
Kishte juristë të pranishëm në këtë takim, siç kishte edhe sindikalistë apo mbrojtës të vlerave kulturore, por "fjalë sheqeri" Erion, harbutërisht ju e mohoi të drejtën e fjalës këtyre, për të nxitur debatet e niveleve të Luftar Pajës apo të Reshat Arbanës që të dy të doktrinuar nga PPSH
Turp te ket erjon pema