Grabiti 3 milionë lekë me armë në një këmbim valutor, publikohen pamje të reja nga vjedhja në '5 Maj'

Janë publikuar pamje të reja nga vjedhja e kryer nga shtetasi Luan Maci 42-vjeç, në zonën “5 Maji” ditën e sotme. Nga pamjet e publikuara, Maci ka kërcënuar arkëtaren me armë zjarri për të marrë paratë, ku shihet se një pjesë e tyre i kanë rënë në tokë gjatë momentit të grabitjes.

Ngjarja ka ndodhur në një dyqan këmbimi valutor brenda një qendre tregtare, ku 42-vjeçari dyshohet se, nën kërcënimin e një pistolete, ka marrë rreth 3 milionë lekë. Pas identifikimit të tij, ai është lokalizuar dhe arrestuar.

Gjatë veprimeve të kryera janë sekuestruar arma e zjarrit pistoletë, një pjesë e shumës së parave të vjedhura si edhe veshja që dyshohet se është përdorur gjatë kryerjes së grabitjes. 42-vjeçari rezulton gjithashtu me precedent penal për të njëjtën veprimtari kriminale.

Materialet i janë referuar Prokurorisë për veprime të mëtejshme.

Njoftimi i Policisë:

Tiranë/Finalizohet operacioni policor i koduar “Itinerari”.

Vodhi rreth 3 milionë lekë, në një dyqan këmbimi valutor, në një qendër tregtare, duke kanosur punonjësen, me armë zjarri pistoletë, identifikohet, lokalizohet dhe arrestohet 42-vjeçari. 

42-vjeçari, me precedent penal për të njëjtën veprimtari kriminale. 

Sekuestrohen arma e zjarrit pistoletë, një pjesë e shumës së parave të vjedhura dhe veshja e përdorur gjatë kryerjes së vjedhjes.  

Shërbimet e Komisariatit të Policisë Nr. 4, menjëherë pas marrjes së njoftimit për një rast vjedhjeje, në rrugën “5 Maji”, kanë organizuar në drejtimin e Prokurorisë, punën për identifikimin dhe kapjen e autorit.  

Si rezultat i veprimeve të shpejta hetimore dhe operacionale nga shërbimet e Komisariatit të Policisë Nr. 4, u bë identifikimi, kapja dhe arrestimi i shtetasit: 

-L. M., 42 vjeç, banues në Tiranë.
 
Ky shtetas dyshohet se duke kanosur punonjësen, me arme zjarri pistoletë, ka vjedhur rreth 3 milionë lekë, në një dyqan këmbimi valutor, brenda një qendre tregtare, në rrugën “5 Maji”.   

Materialet i kaluan Prokurorisë, për veprime të mëtejshme.