Mbi 40 familje janë evakuuar nga Shtabi i Emergjencave Civile në bashkëpunim me Forcat e Armatosura, si pasojë e situatës së krijuar nga përmbytjet.

Ushtria ndodhet në Durrës që prej orëve të para të paradites, ku ka angazhuar katër pompa të fuqishme për përballimin e situatës.

Sipas autoriteteve, një pompë është vendosur në Shkozet, një tjetër në afërsi të burgut, një në zonën e ish-Kënetës dhe një në Porto Romano.

Shtabi i Emergjencave Civile bën me dije se ka ende shumë kërkesa për evakuime, ndërsa strukturat përkatëse vijojnë punën në terren për të garantuar sigurinë e banorëve.