Nga Elton Qyno 

Një muaj pas zgjedhjes në krye të SPAK, Klodian Braho ka miratuar disa ndryshime sa i takon seksioneve në Prokurorinë e Posaçme.

Ish-kreu i SPAK Altin Dumani merr detyrën e shefit të seksionit për marrëdhëniet me jashtë vendit.

Bëhet me dije se prokurorja Dorina Bejko ka marrë drejtimin e seksionit për hetimin e korrupsionit, ndërsa prokurori Vladimir Mara ka marrë drejtimin për seksionin kundër krimit të organizuar.

Kujtojmë që departamenti për marrëdhëniet me jashtë, drejtohej nga Dorina Bejko që kishte zëvendësuar Arben Krajën, i cili e mbajti këtë detyrë menjëherë mbasi mbaroi detyrën e kryeprokurorit për afro tre vjet.

Kraja ishte emëruar në këtë detyrë nga pasuesi Altin Dumani, dhe e la postin duke u kthyer prokuror i thjeshtë në SPAK pas konflikteve për drejtorin e Byrosë Kombëtare të Hetimit.