Hyn në ditën e dytë greva e 10 naftëtarëve të kompanisë Bankers në Marinzë. Ata kërkojnë kushte pune dhe paga më të mira, kërkesa të cilat për momentin janë refuzuar nga kompania naftënxjerrëse. Sipas grevistëve, ata do të vijojnë rezistencën deri sa kompania Bankers të plotësojë kërkesat e tyre

Syri TV

10 naftëtarët e kompanisë Bankers në Marinzë u futën në ditën e dytë të grevës së urisë. Ata kërkojnë kushte më të mira pune dhe rritje të pagave, kërkesa të cilët, pavarësisht protestave të zhvilluara gjatë javëve të shkuara, nuk kanë marr zgjidhje. Protestuesit dhe grevistët shprehen se nuk tërhiqen nga kërkesat e tyre dhe se do të vijojnë pezullimin e punës deri sa kompania të plotësojë kërkesat e tyre.

Dritan Shahu, kryetar i sindikatës së naftëtarëve shprehet se pavarësisht vështirësive, naftëtarët janë të vendosur për të vazhduar grevën.

Ndërkohë jashtë kamere, Shahu thotë se një përfaqësues i kompanisë Bankers i ka telefonuar dhe i ka thënë që për momentin kompania nuk ka gjendje financiare që tu zgjidhi kërkesat.