Në Igumenicë është kapur nga policia greke një ngarkesë e madhe me drogë që vinte nga Shqipëria. Droga është sekuestruar në një fuoristradë “Volvo” rreth 75 kg marijuanë. Mjeti është ndaluar rastësisht nga Qarkullimi Rrugor i Igumenicës për kontroll dokumentacioni.

Për shkak te dyshimeve, mjetit i është ushtruar kontroll i brendshëm përmes qenit “Lussy”. Në vende të improvizuara enkas në bazën e gazit dhe poshtë sediljeve te pasagjerit dhe shoferit, janë gjetur dhe sekuestruar 79 pako me 74 kg 886 gram marijuanë.  Ështe arrestuar drejtuesi, shtetas grek.

Prej fillimi te vitit policia greke ka sekuestruar rreth 1.3 ton marijuanë që dyshohet se vinte nga Shqipëria.