Pas transmetimit në emisionin investigativ “Stop” në Tv Klan të rastit të shitjes së metadonit në kundërshtim me ligjin kundrejt 3 mijë Lekëve, janë referuar materiale në Prokurori dhe ka nisur procedimi penal në gjendje të lirë për 50-vjeçarin Fatmir Spahiu, punonjës i qendrës për shitjen e Metadonit në Berat.

50-vjeçari akuzohet për veprën penale “Prodhimi dhe tregtimi i barnave dhe pajisjeve mjekësore të falsifikuara ose të rrezikshme për jetën dhe shëndetin”.

“Stop” denoncoi me mbrëmjen e djeshme mjekun Fatmir Spahiu, i cili jepte metadon me para, madje duke e shitur me shumicë te persona të caktuar, të cilët e rishesin më pas.

I infiltruari: 20, 30… Lexoje njëçikë…Se mos na vë re ndonjë ne… Ke 30 aty, dëgjon? Ke 30 aty, shikomë tamam! (që të përfitojë më shumë sasi)

Fatmir Spahiu, mjek: Dëgjo vëllain tënd, se ndonjëherë pa dashje…

I infiltruari: Nuk të flas.

Fatmir Spahiu, mjek: Pse të ma bësh ti mua? Kalofsh mirë!