Janë siguruar detaje të reja sa i përket ngjarjes ku një fëmijë 7 muajsh ka humbur jetën. Sipas informacioneve të siguruara nga gazetari Edison Vatnikaj me datën 25 shtator rreth orës 18:30 minuta nga salla operative është raportuar për një incident në morgun e spitalit.
Pasi kanë siguruar këtë informacion policia ka shkuar në vendngjarje duke komunikuar më shtetasin Guxim Dedja. Ai ka treguar se foshnja e tij me iniciale E.D ka qenë për 3 ditë i shtruar në spitalin e Shkodrës dhe me 25 shtator ishte sjellë në Tiranë pranë spitalit të pediatrisë.
Në Spitalin e Shkodrës bluzat e bardha iu kishin komunikuar familjarëve që foshnja ishte me ftohje dhe është vendosur transporti në Tiranë.
Sipas padisë së familjarëve fëmija ka ndërruar jetë sapo ka mbërritur në spitalin e Tiranës. Sipas personelit të spitalit të pediatrisë shkaku i vdekjes është një problem me zemrën.
Familjarët kanë ngritur pretendimet se mjeket e spitalit të Shkodrës se foshnjës i kanë dhënë ilaç gabim. Ky rast në fjalë policia po kryen hetime ku pritet që dosja ti dërgohet prokurorisë për Mjekim i pakujdesshëm.
© SYRI.net