Marsel Mera 42 vjeç i shpallur në kërkim është arrestuar nga policia në Muriqan. 42 vjeçari ka qenë i dënuar nga gjykata e Tiranës me 4 muaj burg për falsifikim të dokumenteve shkollore. Një 30 vjeçar u procedua pasi u kap në Koplik duke transportuar 3 emigrantë afganë. Ndërsa një 18 vjeçar u proceduar pasi iu gjet një sasi kanabis. 

Njoftimi i policisë Shkodër:

DVP Shkodër

Shërbimet e pkk Muriqan kanë kapur shtetasin në kërkim Marsel Mera, 42 vjeç, banues në Tiranë, të cilin Gjykata e Tiranës, në vitin 2021, e ka dënuar me 4 muaj burgim, për veprën penale “Falsifikimi i dokumenteve shkollore”. Veprimet e tjera procedurale për këtë shtetas do të kryhen nga DVP Tiranë.

Specialistët për Hetimin e Trafiqeve dhe Narkotikëve kanë referuar materialet procedurale në Prokurori dhe ka nisur procedimi në gjendje të lirë për shtetasin E. S., 30 vjeç, pasi është kapur në Koplik, duke transportuar me automjet 3 emigrantë afganë, për t’i ndihmuar që të kalonin kufirin në mënyrë të paligjshme.

Specialistët për Hetimin e Krimeve të Komisariatit të Policisë Pukë kanë referuar materialet në Prokurori dhe ka nisur procedimi në gjendje të lirë për shtetasin A. Gj., 34 vjeç, banues në fshatin Qerret, Pukë, pasi u kap në hyrje të qytetit Pukë, duke transportuar rreth 3 m3 lëndë drusore të prerë në mënyrë të paligjshme.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.