Zbardhet identiteti i të resë së gjetur e vrarë me thikë në banesën e saj në rrugën e Kavajës, ngjarje e ndodhur gjatë ditës së shtunë.

Burime nga policia kanë bërë të ditur se, viktima është identifikuar si Amanda Pushani, 37 vjeçe, banuese në Tiranë.

Pas marrjes në pyetje të familjarëve, e dyshuar si vrasëse e saj është arrestuar motra e viktimës, Marsela Pushani, 40 vjeçe.

Fillimisht ngjarja u denoncuar si vetëvrasje, por pas hetimeve të tjera është arritur në përfundimin se ishte një krim.

Trupi i pajetë i 37-vjeçares u gjet pasditen e djeshme, por krimi kishte ndodhur në orët e paradites, pas një sherri mes dy motrave.