Një operacion policor antidrogë është në zhvillim e sipër në Vlorë dhe në Fushë Kuqe. Prokuroria ka firmosur 6 urdhër arreste.
Operacioni po zhvillohet nga SPAK në vazhdën e operacionit të madh kundër trafikut të drogës në bashkëpunim me Guardia di Finanza dhe DEA-n, ku vetëm dje u kapën sasi të madhe heroine dhe kokaine që trafikoheshin me gomone dhe veliera në det në bashkëpunim me trafikantë ndërkombëtare.
Në listën e arrestimeve është edhe emri i një ish-zyrtari policie.
Po ashtu, Policia ka kontrolluar një kompleks luksoz në Fushë Kuqe.
Dje, një prej gomoneve të përdorura nga trafikantët ka qenë e pajisur me 3 motorrë të rrallë me nga 350 kuaj fuqi, me qëllim për të transportuar drogën në ujërat e detit Adriatik..Trafikantët, në momentin kur kanë parë policinë, i kanë vënë zjarrin drogës.
© SYRI.net