Një mjet ka dalë nga rruga, plagoset drejtuesi. Sipas informacioneve paraprake, një mjet ka humbur kontrollin duke u përmbysur jashtë rrugës në aksin nacional Korçë - Pogradec, në afërsi të fshatit Libonik.

Mësohet se i lënduar ka ngelur drejtuesi i mjetit, i cili u dërgua në spitalin e Korccës, dhe ndodhet jashtë rrezikut për jetën. Policia në vendngjarje për zbardhjen e rrethanave të aksidentit.

Maliq/ Informacion paraprak 

Më datë 02.08.2023, rreth orës 14:20, në aksin rrugor "Korçë-Pogradec", në afërsi të urës së Maliqit, shtetasi K. Xh., duke drejtuar automjetin tip "Benz", dyshohet se ka humbur kontrollin mbi drejtimin e tij dhe automjeti ka dalë nga rruga. 

Për pasojë është dëmtuar drejtuesi i mjetit K. Xh., i cili u dërgua për ndihmë mjekësore në spitalin e Korçës.

Grupi hetimor po punon për përcaktimin e shkakut të aksidentit.