Një aksident është regjistruar pasditen e sotme rreth orës 15:00 në “By-pass”-in e Fierit, në afërsi të spitalit Memorial. Mësohet se një automjet është përplasur me trafikndarësen e si pasojë është përmbysur në mes të rrugës.

Paraprakisht mësohet se është lënduar drejtuesi i mjetit ndërsa dëmet materiale janë të konsiderueshme. Dyshohet se përplasja ka ardhur si pasojë e humbjes së drejtimit të mjetit nga ana e drejtuesit të tij.

Rrugorët e Fierit kanë shkuar menjëherë pranë vendit të ngjarjes për të normalizuar trafikun në një aks me frekuentim të lartë, ndërsa po punohet për gjetjen e shkaqeve të aksidentit.