Digjet një makinë tip ‘BMW’ në autostradën Lushnje-Fier. Ngjarja ka ndodhur në afërsi të vendit të quajtur si ‘Pushimi i shoferit’ në Lushnje.
Makina me targa AA022CZ ka marrë flakë në ecje dhe drejtuesi, bashkë me dy familjare kanë dale jashtë fatmirësisht pa probleme.
Zjarri ka përfshirë makinën e kuqe, duke e djegur totalisht.
Sipas drejtuesit mjeti tip ‘BMW’ ishte me motor benzinë dhe i kishte dhënë shenjë defekti elektrik.
Zjarrfikësja ka ardhur në vendngjarje kur mjeti ishte i përfshirë totalisht nga flakët. Policia ka disiplinuar trafikun tepër të rënduar në këtë ditë pushimi.
Policia e Lushnjës/ Informacion paraprak
Rreth orës 08:05, në vendin e quajtur ‘Pushimi i shoferit’, në ecje e sipër, dyshohet për shkak të një defekti në mjet, ka marë flakë automjeti tip ‘Bmw’ me drejtues shtetasin A. B.
Nuk ka probleme në njerëz.
Grupi hetimor po punon për përcaktimin e shkakut të rënies së zjarrit.
© SYRI.net