Detaje të reja mësohen nga arrestimi i sekretares së Ministrisë së Shëndetësisë, Joana Duro.

Gazetarja Anila Hoxha tha se të arrestuarit ranë në rrjetën e SPAK pas një përgjimi për një çështje tjetër, teksa tregoi dinamikën se si u kap zarfi me ryshfetin në zyrën e sekretares.

Gazetarja shtoi se në përgjime ka dalë vetëm inxhinieri i kompanisë që fitoi tenderin me Vladimir Topin, të cilin do ia jepnin zarfin me paratë Duros përmes mikes së saj.

Sekretarja e arrestuar ka dëshmuar se nuk ishte në dijeni se zarfi përmbante para, por mendonte ishte çokollatë.

“Katër të dyshuar janë pjesë e veçuar që po vazhdon për një llogari të një çështje tjetër. Gjatë këtyre veprimeve hetimore prokurorët konstatojnë një komunikim të Vladimir Topit që në datën 1 i shpeshton komunikimet e tij, menjëherë pasi listohet fituese për të paguar “për këtë nder”. Komunikimi është mes Vladimirit dhe inxhinierit. Ai ja paguan shumën e parave Shehit dhe i jepet shoqes se sekretares së përgjithshme, Lauretës. Zarfin në fjalë ia ka dhënë pas disa anulimesh takimesh mes dy zyrtareve.

Duro nuk shfaqet në atë përgjim, ata që shfaqen janë administratori dhe inxhinieri sesi do të kryer pagesa. Pasi është kryer kontrolli në kushtet e flagrancës, agjentët kanë mësyrë dhe kanë konstatuar se shuma ishte fikse ajo që ishte lënë në zarf. Duro ka thënë se nuk kishte asnjë dijeni por në zarf i kishte thënë se ishte diçka e ëmbël, dhe kishte kujtuar se ishte një çokollatë. Avokatja e saj ka kërkuar një masë më të lehtë. Shpresoj që hetimi tjetër për një tender të mos jetë dekonspiruar.”- shprehet gazetarja Hoxha.