Apeli i Gjykatës së Posaçme kundër Korrupsionit dhe krimit të organizuar ka lënë në fuqi dënimin me 8 vjet e 8 muaj burg për Gentian Malindin. Ndaj këtij të fundit rëndojnë akuzat ‘trafikut të narkotikëve’ dhe ‘grupit të strukturuar kriminal’. Episodi kriminal për të cilin u fajësua Malindi u shënua në shtator të vitit 2019, kur një sasi prej 137 kg kokainë erdhi nga Ekuadori në Greqi, teksa kishte destinacion final portin e Durrësit. Në portin e Pireut sasia e drogës u zëvendësua me oriz.
Nga SYRI TV
Gjykata e Posaçme e Apelit ka lënë në fuqi dënimin me 8 vjet e 8 muaj burg për Gentian Malindin, i akuzuar për trafikimin e 137 kg kokainë nga Ekuadori në Greqi e më pas në Shqipëri.
Gentian Malindi u fajësua për veprat penale të ‘trafikut të narkotikëve’ dhe ‘grupit të strukturuar kriminal’.
Episodi kriminal për të cilin u fajësua Malindi u shënua në shtator të vitit 2019.
Sasia e drogës ishte fshehu në një kontejner të nisur nga Ekuadori me destinacion paraprak portin e Pireut dhe destinacion final portin shqiptar të Durrësit.
Prania e drogës në kontejner u zbulua nga DEA amerikane dhe autoritetet greke, ndërsa pas konstatimit në Pire, lënda narkotike u zëvendësua me oriz dhe më pas ngarkesa u mbajt nën monitorim për të parë se kush do të ishin pritësit e mallit në Portin e Durrësit.
Pas mbërritjes së kontejnerëve me banane në portin e Durrësit, ngarkesën shkuan për ta tërhequr shtetasit Ardian Bega dhe Altin Myslihaka, bashkëpunëtorët e Malindit, të cilët nuk e dinin se po merrnin pako me miell orizi.
Pak ditë pas operacionit, rezultoi se kamera kryesore e sigurisë me kënd 360 gradë dhe me rezolucion të larte, ka lëvizur fokusin nga kontejneri ku gjendej droga.
© SYRI.net