Burime bëjnë me dije për SYRI TV se policia ka arritur të zbardhë vrasjen e Briken Sanajt.

Të njëjtat burime bëjnë me dije se është identifikuar dhe shpallur në kërkim autori i dyshuar i ngjarjes.

Autori dyshohet se ndodhet në Belgjikë.

Krimi ndodhi më 31 tetor, pasi viktima doli nga garazhi i makinave në trotuar. Autorët e kanë ndjekur në këmbë dhe dyshohet se me maska e kanë qëlluar me armë disa herë.

Nga hetimet parapake, hasmëria dyshohet të jetë motivi i krimit.

Sanaj, nga Lezha, ishte një emër i njohur për policinë, pavarësisht se rezulton me disa emra, pasi ishte i dyshuar për një plagosje.