Një tjetër autobus urban është përplasur në Tiranë.
Ngjarja ka ndodhur mesditën e sotme në zonën e Fakultetit të Shkencave në Bulevardin ‘Zogu i Parë’.
Autobusi i linjës së ‘Qyteti Studenti’ - ‘Jordan Misja’ është përplasur në kabinën e stacionit e pasagjerëve në bulevardin ‘Zogu i Parë’.
Ngjarja nuk ka sjellë të plagosur thotë policia, ndërsa burime nga grupi i hetimit thonë se zona është e rrëshqitshme pas punimeve në bulevard.
Pak ditë më parë një autobus i linjës së ‘Unazës’ doli nga rruga e përfundoi në Lanë. Nga ky aksident u plagosën 5 persona dhe paniku ishte i madh.
Policia e Tiranës/ Informacion paraprak
Më datë 02.05.2022, rreth orës 13:00, në bulevardin ‘Zogu I’, shtetasi D. Sh., duke drejtuar autobusin e linjës së Tiranës së Re, dyshohet se është përplasur me mbulesën e vendqëndrimit të stacionit të autobusit.
Si pasojë ka vetëm dëme materiale.
Grupi hetimor ndodhet në vendngjarje dhe po punon për sqarimin e rrethanave të aksidentit.
© SYRI.net