Paraqitet e rëndë, gjendja e gruas së sëmurë mendore në Korçë, e cila dyshohet se e mbylli në një valixhe foshnjen e sapolindur afro një muaj më parë, ku dhe u gjet e vdekur. Gazetarja e SYRI TV ka zbuluar disa hollësi të tjera për gjendjen e kësaj gruaje, pas vizitës tek specialistët e Urgjencës së spitalit të Korçës.
Mjekia neuro-psikiatre Nikolina Bode dha një vlerësim të plotë mbi pacienten përpara mediave, që mund të ndiqet në video.
Ndër të tjera, Bode u shpreh se familjarët e kanë konstatuar shtatzaninë e 40-vjeçares në muajin dhjetor të vitit të kaluar, atëherë kur ka qenë e dukshme. Ata kanë tentuar ta vizitojnë, por 40-vjeçarja ka kundërshtuar.
Gruaja sipas mjekes është diagnostikuar me probleme të shëndetit mendor tre vjet më parë, por nuk pranonte të mjekohej. 40- vjeçarja vuan nga çrregullime serioze të shëndetit mendor, psikotike, për shkak të të cilave ajo ka humbur lidhjen me realitetin, duke pohuar se fëmijën e ka lindur dikush tjetër dhe jo ajo.
Trupin e të sapolindurit në një valixhe e zbuloi i shoqi i gruas, pasi u kthye nga emigracioni.
Korçë, foshnja e sapolindur gjendet e vdekur në valixhe, nëna e sëmurë mendore
Kontrollohet nga neuro-psikiatrja, nëna që dyshohet se vrau foshnjen në Korçë
© SYRI.net