Qindra policë në Belgjikë kanë nisur që në orët e para të mëngjesit të sotëm një mega-operacion kundër mafias shqiptare.
Të paktën 130 banesa janë bastisur, ndërsa autoritetet kanë lëshuar të paktën 80 urdhër-arreste. Mediat belge shkruajnë se është një tjetër operacion i madh kundër mafies së kokainës.
Operacioni në fjalë quhet ‘Sky’ dhe vjen sërish në kuadër të dekriptimit të mesazheve nga rrjeti Sky.
Ky është mega-operacioni i tretë që po zhvillohet nga policia belge brenda këtij viti. Në fillim të këtij viti u arrestuan 50 persona dhe u sekuestruan mbi 17 ton kokainë.
Një javë më parë, një mega-operacion kundër mafias shqiptare u zhvillua në rajonin e Liege.
Aty u sekuestrua një sasi droge me vlerë 80 milionë euro, armë, mallra luksi dhe para të thata. Në total u arrestuan 28 persona.
Mediat belge shkruajnë se nuk është çudi që mafia shqiptare është në qendër të këtyre operacioneve. Ata kanë arritur të dominojnë trafikun e kokainës nga Afrika e Jugut për në Europë.
Po ashtu, mediat belge theksojnë se shqiptarët kontrollojnë edhe kultivimin dhe shpërndarjen e kanabisit.
© SYRI.net