Qindra tregtarë droge përdorin Instagramin për të shitur kanabis edhe tek fëmijët, sipas një sondazhi të Daily Mail.
Një baron droge shqiptar që mburrej për rrëmbimin dhe prerjen e gishtave të një klienti, është në mesin e tregtarëve që përdorin faqen e mediave sociale për të fituar miliona paund në vit kanë zbuluar gazetarët investigative të media angleze.
Tregtarët, disa me pothuajse 30,000 ndjekës, promovojnë mallrat e tyre me fotografi joshëse të kanabisit të paketuara si ëmbëlsira për fëmijë dhe më pas organizojnë shitjet nëpërmjet shërbimeve të mesazheve private.
Kur një report i Mail kontaktoi me njërin nga këta shpërndarës droge dhe që u paraqit si një 16-vjeçar, ata mburreshin me efektet e çmendura që do të merrnin nga përdorimi i këtyre mallrave madje njeri premtoi ‘dhurata’ nëse rekrutonin dhe shokët e klasës si klientë.
Produktet e ofruara përfshinin dhe ëmbëlsira me kanabis për të cilat policia ka paralajmëruar se shkaktojnë dëme të konsiderueshme.
'Ëmbëlsirat kanë bërë që qindra fëmijë – disa ende në shkollën fillore – të dërgohen me urgjencë në spital me rrahje zemre, sulme ankthi, të vjella të pakontrolluara, paranojë dhe halucinacione', shkruan Daily.
Ekpsertët i thanë Mail-it se tregtarët e drogës tani kishin ndryshuar strategjinë e tyre nga cepat e rrugëve në media sociale për shkak të lehtësisë në internet.
'Reklamimi në platforma të tilla si Instagram u jep atyre legjitimitet më të madh dhe u mundëson atyre të "ndërtojnë një markë dhe identitet', shkruan Mail.
Një psikiatër është shprehur për Mail se tregtia e kanabisit shpërtheu gjatë bllokimit dhe po i shtyn të rinjtë në 'psikoza, depresion, ankth, vetë-lëndim dhe vetëvrasje'.
Një nënë, vajza e së cilës vrau veten pasi vuajti nga psikoza e shkaktuar nga kanabisi, ka frikë se 'shumë të rinj' do të vdesin për shkak të ndikimit në rritje të mediave sociale.
Po kush është shqiptari i njohur me emrin 'Djalli' i kontaktur nga gazetarët investigativ të Daily Mail-it?
Ai njihet si baroni i drogës dhe quhet Selam M., 28 vjeç.
I riu nga Tropoja ju ka shpjeguar gazetarëve investigative se si ai furnizon tregatarët në të gjithë Mbretërinë e Bashkuar.
Ai madje e ka bërë shumë të qartë se çfarë ndodh me ato që guxojnë të mos paguajnë, madje ai iu është mburrur atyre me faktin se si i kishte prerë dy gishtat një klientit që nuk pagoi.
I njohur si ‘Djalli’ ai po grumbullon miliona paund nga biznesi i tij me shumicë të drogës sipas Daily Mailit.
Në faqen e tij në Instagram të titulluar 'Gjaku shqiptar', Selami tregonte fabrikat e tij të kanabisit dhe postonte video për të nxjerrë në pah llojet e disponueshme, duke inkurajuar klientët e rinj të kontaktojnë.
Por pas publikimit të intervistët së tij nga 'Daily Mail' Instagrami e fshiu faqen e tij.
Pasi një gazetar i fshehtë i dërgoi një mesazh në llogarinë e tij 'Albanian Blood', ai pranoi të takohej në një kafene.
Duke mbërritur në 'Mercedes-Benz CLA AMG' të tijën, ai tregoi se si biznesi i tij kishte lulëzuar gjatë bllokimit sepse të gjithë ishin në shtëpi.
Mehmetaj shpjegoi se si çdo muaj ai rrit deri në 2500 bimë kanabis-të cilat ai i quan ‘foshnjat’ e tij.
Ai tha se shet çdo bimë për 10-15 £ në tufa deri në 300, dhe kuti me kanabis të korrur për kilogram.
'Instagrami luajti një rol të madh në reklamimin e biznesit tim' është shprehur Mehmetaj, duke shpjeguar se askush nuk e dinte se ai qëndronte pas faqes Albanian Blood.
'Ia preva gishtat dhe fjeta si bebe'
Gjatë interivstës shqiptari u shpreh për klientin që nuk donte të paguante:
'Djemtë e mi e futën në një furgon. Gjeje çfarë? E çova nga Stoke-on-Trent deri në Londër, e futa në bodrumin e një shtëpie dhe e rrihja tre herë në ditë, ai nuk më dha alternativë, tjetët dhe i preva dy gishtat. I thashë se kjo ishte një shenjë dhe një kujtesë. Pastaj shkova në mbrëmje dhe fjeta si një fëmijë. Nuk më interesonte'.
Arrestimin e tij për armë zjarri.
''Ata gjetën në Mercedesin tim një armë zjarri. U arrestova. Në burg qëndrova vetëm 48 orë, pastaj u lirova se ata nuk gjeten gjurmë gishtash tek arma. Sa herë që e prekja, vija doreza në dua.
Ata më kontrolluan dhe banesën time pas arrestimit. Nuk gjetën asgjë. Ata e kontrolluan banesën me qen, por poshtë ishte një dhomë tjetër në të cilën kishte kokakinë, kanabis dhe plumba. Por ata nuk gjetën asgjë'.
© SYRI.net