Një i vdekur dhe tre të plagosur është bilanci i zjarrit që ra në një banesë në lagjen nr.12 të qytetit të Korçës.
Burime për Syri Tv dhe Syri.net bëjnë të ditur se viktimë e zjarrit ka mbetur Vasil Piro Dolani, 65 vjeç. Ai jetonte të shtëpia e vëllait në zonën e quajtur "Çezma e Amzës".
Nga ekspertët është konstatuar se trupi i 65-vjeçarit është djegur plotësisht nga flakët. Të plagosur kanë mbetur vëllai i tij, i zoti i shtëpisë Dh.D dhe një person tjetër, J.D.
Gjithashtu, plagë nga zjarri në banesë ka marrë edhe një grua me inicialet V.D.
Të plagosurit ndodhen në spitalin e Korçëës ku ndodhen nën kujdesin e mjekëve.
Shkak për zjarrin në shtëpi mendohet të ketë qenë përdorimi i benzinës për të ndezur zjarrin në sobën e drurit.
Familja Dolani jetonte në kushte të vështira ekonomike.
Reagimi i Policisë
Më datë 18.10.2021, rreth orës 17:15, në lagjen nr. 11, ka rënë zjarr në banesën në pronësi të shtetasit Dh. D. dhe për pasojë ka gjetur vdekjen vëllai i tij shtetasi V. D., rreth 64 vjeç dhe janë lënduar lehtë pronari i banesës Dh. D, shtetasi J. D. dhe shtetasja V. D.
Shërbimet e policisë dhe zjarrfikëses, ndodhen në vendngjarje dhe po punohet për fikjen e zjarrit.
Grupi hetimor po punon për të zbardhur rrethanat e ngjarjes dhe përcaktuar shkaqet e rënies së zjarrit.
© SYRI.net