Një konflikt me thika ka ndodhur mes dy personave në Vlorë.

Policia informon se dy shtetas janë përleshur me njëri-tjetrin me mjete të mprehta e kanë përfunduar në spital. Të plagosur kanë mbetur shtetasit Jetnor Hoxha dhe Kujtim Salia.

Ata gjenden në spital, ku janë duke marrë ndihmën e nevojshme mjekësore. 

Njoftimi i policisë:

Vlorë/Informacion paraprak

Më datë 12.10.2021, rreth orës 19:00, në lagjen “24 Maji”, dyshohet se për motive të dobëta, janë konfliktuar me mjete prerëse me njeri-tjetrin shtetasit K. S., 63 dhe J. H., 48 vjeç  të dy banues në Vlorë.

Si pasojë janë dëmtuar të dy këta shtetas, të cilët ndodhen në Spitalin e Vlorës, nën kujdesin e mjekëve.

Grupi hetimor ndodhet në vendngjarje dhe po punon për sqarimin e plotë të rrethanave të ngjarjes.