Ministria e Brendshme e Kosovës ka bërë të ditur se ka pezulluar kontratën për dizifektimin e kamionëve që futen në territor.

Gjatë ditës së sotme në kufirin Shqipëri-Kosovë, të gjithë kamionët që nga tonazhet e ulët deri tek të mëdhatë, paguanin dhjetëra euro për të dezinfektuar kamionët.

Njoftim i Ministrisë së Brendshme të Kosovës:

Pezullohet kontrata për dezinfektimin e mauneve që vijnë në Republikën e Kosovës.

Dezinfektimi i kamionëve parashihej në kuadër të masave për luftimin e pandemisë së COVID-19.

Nga ky moment importuesit nuk kanë nevojë t’i dezinfektojnë maunet në pikat kufitare.