Një pikë karburanti në Bilisht ka rënë pre e grabitjes me maska. Ngjarja ka ndodhur në orët e para të mëngjesit në hyrje të qytetit.

Sipas policisë, persona të maskuar kanë hyrë në ambientet e brendshme ku kane kërcënuar punonjësin dhe kane vjedhur një sasi lekësh. Ende nuk dihet shuma e grabitur.

Policia ka sekuestruar kamerat e sigurisë për të bërë të mundur identifikimin e autoreve dhe kapjen e tyre.

Dyshohet se kanë qenë tre autorë.

Vendi është përfshirë nga një valë vjedhjesh dhe grabitjesh. Më e rënda u regjistrua para dy ditësh në Tiranë, kur një çift u qëllua me armë pas tentativës për grabitje.