Edhe pse temperaturat në vend janë ulur me disa gradë, sërish vijojnë flakët në disa zona.

Zjarre të rrezikshme kanë përfshirë ditën e sotme vendin e quajtur zona e Shkozës në Fier dhe zonën e Majës së Zezë në Velipojë.

Mësohet se në vendngjarje kanë mbërritur efektivë të policisë dhe forcat zjarrfikësese.

Fatmirësisht raportohet se flakët në janë vënë nën kontroll dhe vatra e zjarrit është izoluar në Fier, ndërsa raportohet për 5 hektarë pisha të shkrumbuara.

Ndërkohë në Velipojë flakët e fuqishme po pengojnë hyrjen në terren të zjarrfikëseve.

Kujtojmë që kjo zonë 3 vite më parë u përfshi nga një zjarr i fuqishëm që shkrumboi 10 hektarë tokë.